“Bir adam başga bir obadaky musulman doganyny zyýarat etmek üçin ýola düşdi. Allah Tagala onuň gelýän ýolunda bir perişdäni goýdy. Ol adam perişdäniň ýanyna gelende, perişde ondan: “Nirä barýaň?” diýip sorady. Ol adam: “Şu obada bir musulman doganym bar, şonuň ýanyna barýaryn” diýdi. Perişde: “Sen oňa bir ýagşylyk etdiň-de, indi hem ondan bir zatlar peýdalanmak üçin barýaňmy?” diýip sorady. Ol: “Ýok, men ony diňe Allah üçin gowy görýän” diýdi. Perişde oňa: “Sen ol adamy nähili söýýän bolsaň, Allah Tagala hem seni şonuň ýaly söýýändigini habar bermek üçin iberilen Allahyň bir ilçisidirin” diýdi.