PDF ýükläň

557

وعن أَبي كَبشَةَ عمرو بِنَ سَعدٍ الأَنمَاريِّ رضي اللَّه عنه أَنه سمَع رسولَ اللَّه صَلّى اللهُ عَلَيْهِ وسَلَّم يَقُولُ: ثَلاثَةٌ أُقْسِمُ عَلَيهِنَّ وَأُحَدِّثُكُم حَدِيثاً فَاحْفَظُوهُ: مَا نَقَصَ مَالُ عَبدٍ مِن صَدَقَةٍ، وَلا ظُلِمَ عَبْدٌ مَظْلَمَةً صَبَرَ عَلَيهَا إِلاَّ زَادَهُ اللَّهُ عِزّاً، وَلا فَتَحَ عَبْدٌ بَابَ مَسأَلَةٍ إِلاَّ فَتَحَ اللَّه عَلَيْهِ بَابَ فَقْرٍ، أَوْ كَلِمَةً نَحْوَهَا. وَأُحَدِّثُكُم حَدِيثاً فَاحْفَظُوهُ. قَالَ إِنَّمَا الدُّنْيَا لأَرْبَعَةِ نَفَر:عَبدٍ رَزَقَه اللَّه مَالاً وَعِلْماً، فَهُو يَتَّقي فِيهِ رَبَّهُ، وَيَصِلُ فِيهِ رَحِمَهُ، وَيَعْلَمُ للَّهِ فِيهِ حَقا فَهذَا بأَفضَل المَنازل. وَعَبْدٍ رَزَقَهُ اللَّه عِلْماً، وَلَمْ يَرْزُقهُ مَالاً فَهُوَ صَادِقُ النِّيَّةِ يَقُولُ : لَو أَنَّ لِي مَالاً لَعمِلْتُ بِعَمَل فُلانٍ، فَهُوَ بنِيَّته، فَأَجْرُهُمَا سَوَاءٌ وَعَبْدٍ رَزَقَهُ اللَّهُ مَالاً، وَلَمْ يرْزُقْهُ عِلْماً، فهُوَ يَخْبِطُ في مالِهِ بِغَير عِلمٍ، لاَ يَتَّقي فِيهِ رَبَّهُ وَلا يَصِلُ فِيهِ رَحِمَهُ، وَلا يَعلَمُ للَّهِ فِيهِ حَقا، فَهَذَا بأَخْبَثِ المَنَازِلِ . وَعَبْدٍ لَمْ يرْزُقْهُ اللَّه مَالاً وَلا عِلْماً، فَهُوَ يَقُولُ : لَوْ أَنَّ لِي مَالاً لَعَمِلْتُ فِيهِ بِعَمَل فُلانٍ، فَهُوَ نِيَّتُهُ، فَوِزْرُهُمَا سَوَاءٌ. رواه الترمذي وقال: حديث حسن صحيح.

Ebu Kebşe ‘Amr ibin Sa’d Anmariden (Allah ondan razy bolsun) rowaýat edilmegine görä, ol Pygamberimiz sallallahu aleýhi wesellemden şeýle eşidipdir:

"“Üç zat hakynda kasam edip aýdyp bereýin, siz olary bek belläp goýuň!
1. Sadaka bermek guluň baýlygyny azaltmaz.
2. Zulum edilende sabyr eden adamyň Allah abraýyny artdyrar.
3. Allah Tagala dilegçilik gapysyny açan guluna, garyplyk gapysyny açar. (ýa-da şuňa meňzeş bir söz diýdi.)
Ýene-de Men size bir zat aýdyp berjek, bek belläp goýuiň! Dünýäde dört topar adam bardyr:
1. Allahyň baýlyk we ylym beren bendesi. Bu hili adam Robbundan gorkar. Garyndaşlary bilen gatnaşygyny saklar. Malynda Allahyň hakynyň hem bardygyny biler. Bu häsiýetlere eýe bolan adam, iň ýokary derejedäki adamdyr.
2. Allahyň ylym berip, baýlyk bermedik bendesi. Emma ol gowy niýetli adamdyr. Ol: “Eger-de meniň hem baýlygym bolsady, menem edil pylany ýaly ederdim”[1] diýip gowy niýetde bolan adamdyr. Niýeti sebäpli ol ikisinň sogaplary deň derejededir.
3. Allahyň baýlyk berip, ylym bermedik bendesi. Ol Allahdan gorkman, ylym-bilimsizligi zerarly mal-baýlygyny boş, nädogry ýerlere harçlar. Ýakyn garyndaşlary bilen gatnaşmaz. Malynda Allahyň hem hakynyň bardygyny bilmez. Beýle adam iň erbet ýagdaýdaky adamdyr.
4. Allahyň baýlygam, ylymam bermedik bendesi. Ol: “Egerde, meniňem baýlygym bolsady, pylany ýaly (üçünji topar adam ýaly) sowardym” diýer. Ol şol niýeti sebäpli (üçünji topar) adam ýaly günäleri deň derejededir”. "

Salgylanma:

(Tirmizi. Ol bu hadys hasan sahyh diýipdir)

bellikler:

[1] Ýagny özüne ylym we baýlyk berilen adam ýaly haýyr-sahawat ederdim, diýer.