"“Bir adam, çölden ýöräp barýarka birden bulutlaryň içinden “Pylanynyň bagyny suwar!” diýip, bir ses eşitdi. Soňra bulutlar bir tarapa süýşüp gara daşlyk bir ýere suwuny boşatdy, ähli suwlar bir akyma birleşip akyp başlady. Ol adam suwuň akymyna tarap ýöräp ugrady. Görse, bir adam bagynyň ýanynda, akyp gelýän suwy pili bilen bagyna tarap öwürip duranyny gördi we ondan: “Eý Allahyň guly, adyň näme?” diýip sorady. Ol hem: “Pylany” diýip bulutdan eşiden adyny aýtdy. Soňra: “Meniň adymy näme üçin soradyň?” diýdi. Ol: “Men şu suwy ýagdyran bulutlardan seniň adyňy tutup “Pylanynyň bagyny suwar!” diýen bir ses eşitdim, şonuň üçin soradym. Bular ýaly derejä mynasyp bolar ýaly sen näme edýärsiň?” diýip sorady. Ol bagyň eýesi:
“Eger bu hakda gyzyklanýan bolsaň, aýdaýyn. Men baglarymdan alýan hasylymy hasap edip, üçe bölýän; üçden birini sadaka berýän, üçden birini maşgalam bilen bilelikde iýýän we üçden birini bolsa yzyna (tohumlykdyr we ş.m. zatlar üçin bagyma) siňdirýän” diýdi”."